Büttenmarsch

der KG Alt-Köllen vun 1883 e.V.

Text: Karl Radile - Musik: Bert Heus

Mallich freut sich he bei uns,
Freue es jo och kein Kuns!
Wammer wie sich dat gehööt,
Sich an keine Mucker stööt!
Hält et Mädche faß em Ärm,
Bes et Hätz im öntlich wärm.
Dat schleit dozo bum-bum,
Grad wie de decke Trumm.
M´r schunkelt, laach un denk dobei,
Wie flöck eß doch die Freud vorbei!

Refrain:
Wann och de Welt för Griesgram bääv,
Hück, grad hück, weed fruh gelääv.
Loss schwaade se un verzälle,
Alaaf! Alaaf! Alt-Kölle!

Mänches nimb m´r ovv uns kromm,
Dat ess mehschtens vill ze domm.
Mer sinn doch no koot un joot,
E´vergnöglich löstig Bloot!
Griemelt ens bis dat et stemb,
Selvs wann op de Bäum m´r klemb!
D´r Kölsche mäht sich Freud,
Die im dann keiner kläut.
Wer nit verdrät bei uns dä Spaß,
Dä wed he vör de Döör geschaß!

Refrain:
Wann och de Welt ...

Urgels Palm un Böckderöck,
Moler Bock dat joode Stöck,
Och de Läsche Naas dobei,
Lückcher dat jit ne Buhei!
Üvver dat Schmölzge sin m´r Patt,
Mäncher hät sing Freud jehat ...
Un wie sich dat gehoot,
Uns dat doch ganit stoot!
Mer halde Pool bis ahn et Engk,
Gon uß de Fööß noch jedem Zänk!

Refrain:
Wann och de Welt ...

Jubiläumsstrophe

Text: Ludwig Kolb

Hundert Johr es et no her,
Dat mir sinn ein Fasteleer.
Un sulang d´r Dom noch steit,
Alt-Köllen och nit unger jeit.
Denn wo Fründe sinn zosamm,
es et mir doröm nit bang!
Wo jit et su vill Freud,
un su´n Genöchlichkeit?
Bei uns dat es doch janz geweß,
dröm halt et Huh, dat golde Fest.

Refrain:
Wann och de Welt ...